Ой наверни мі воли, ой, альбо не навертай,
Ой альбо ти мі, шельмо, голови не завертай.

Ой вломився мі дишлик, ой, медже волоньками;
Ой што ж я буду робив та з трьома фраїрками?

Ой єдна до вечері, ой, друга по вечері,
Ой третя по півночи, ой, што ма кари очи.

А повідж мі, дівчатко, ой, повідж мі докладні
Ой чи мя любиш, чи ні, ей, бо зводиц неладні.

Ой, а повідж мі, повідж, ой, або мі одповідж,
Ой, а най я не ходжу, ей, на тот нижний конец.

Ой, бо тот нижний конец, ей, розмарийом пахне,
Ой, а моє серденько, ей, все до нього тягне.

Ой повідж мі, дівчатко, ей, повідж мі наразі,
Ой най мої коники, ей, не стоят на дразі.

Ей, бо мої коники, ой, вельо мя коштуют,
Ой, ани єдну нічку, ей, дома не ночуют.