Гей, боже мой, боже мой,
Де ся дів роскош мой?
Дуй, вітре, варошом,
Гей, дуй, вітре, варошом
За моїм розкошом.

Гей, пасла я корови
На зеленій луці,
Принюс мі миленький,
Гей, принюс мі миленький
Чиколяду в руці.

Гей, чиколяду в руці,
Цукерки в кишені,
Щоби-с, мила, знала.
Гей, щоби-с, мила, знала,
Що то є від мене.

Гей, фраюрічко моя,
Не маш вельо поля,
То ся не виробит,
Гей, то ся не виробит
Біла ручка твоя.

Гей, а за нашов хижов
Пасутся телята,
Люблят мене хлопці,
Гей, люблят мене хлопці,
Хоть я не богата.

Гей, хоть я не богата
І поля не маю,
Але без вечері,
Гей, але без вечері
Спати не лігаю.

Гей, а за нашов хижов
Пасутся корови,
Люблят мене хлопці,
Гей, люблят мене хлопці
Сами гонорови.

Гей, фраєрю за водов,
Тяжко мі за тобов,
Тяжко серцю мому,
Гей, тяжко серцю мому,
Сама не знам чому.

Гей, знала би я чому,
Ніт сказати кому,
Сказала би-м сестрі,
Гей, сказала би-м сестрі,
Або брату свому.

Гей, сказала би-м сестрі,
Або брату свому,
Він мі не повірит,
Гей, він мі не повірит,
Тягареви мому.

Гей, тяжко мені, тяжко
На мому серденьку,
Якби мі го зв’язав,
Гей, якби мі го зв’язав
Єдвабнов стуженьков.

Гей, попуст, мила, попуст
Єдвабну стуженьку,
Зроби полекшіня,
Гей, зроби полекшіня
Моєму серденьку.

Гей, я ти не попущу,
Ище го затягну,
Пок’ твоє серденько,
Гей, пок’ твоє серденько
К свому не притягну.

Гей, піду я, піду я,
Куди я ходила,
Найду я си, найду,
Гей, найду я си, найду,
Що я загубила.

Гей, піду я, піду я,
Долов, долинами,
Найду я си, найду,
Гей, найду я си, найду
Галузь з малинами.

Гей, буду їх варила
В солодкім молоці,
Буду чарувала,
Гей, буду чарувала
По валаві хлопців.

Гей, всіх я вичарую,
Лем єдного лишу,
І того єдного,
Гей, і того єдного
Любити я мушу.