Як я їшол з Каселгарди дому,
Гей, молил я са прещиренько Богу.

В Каселгарді-м на машину сідал,
Гей, та то єдно – як би-м і умерал.

Як ту умре та дакий погріб мать,
Гей, там його жаден піп не поховать.

Там його жаден піп не поховать,
Гей, лем ’го такой серед моря шмарять.

Рибки з нього тіло оторгають,
Гей, лем косточки по морю плавають.

Сестри, братя таку радість мають,
Гей, же з орека кус вецей достануть.

– Отець, матко, ви са не старайте,
Гей, своїх синів за мном посилайте.

В Америці не познають псоту,
Гей, як достануть даяку роботу.