Понад море (2)
Бридка хвиля тримат,
Бо ся шіфа (2)
З боку на бік киват.

А на морю (2)
Біда превелика,
Бо там не дбат (2)
Нихто о чловека.

А як помре, (2)
Страшні го ховают,
Два матроси (2)
Єден міх тримают.

А до нього (2)
Желізо привадят,
Як привадят, мамо рідна,
До моря з ним шмарят.

А як шіфа (2)
Затрубит жалосні,
Риби тіло (2)
Торгают розкошні.

Риби з нього (2)
Кусні одривают,
А кісточки (2)
По морю плавают.

Братя в краю (2)
Вельку радіст мают,
Бо з маєтку (2)
Сему част достают.