Подме, хлопці, подме до той Гамерички,
І я пойдзем з вами, лем попродам бички,
Ей, лем попродам бички.

Бички-єм попродав, мало пенендзи мам,
Єще продам краву, пойдеме помалу,
Ей, пойдеме помалу.

Пожегнай ти, Боже, нашого цісаря,
Же він нас випустив под іншого краля,
Ей, под іншого краля.

Под іншого краля, ой же под англюся,
Плаче за мнов жена, моя люба душа,
Ей, моя люба душа.

Не плач, ти женочко, бо ми ся вруціме,
Лем ся в Гамериці газдувац учиме,
Ей, загдувац учиме.