На штред Америки
Корчма мурована,
Сходжяют шя хлопці,
Там з нашого краю.

Сходжают, сходжают
Та шя догваряют:
– Ладуйме пінязі
До старого краю.

Бо у старим краю
Так люде думают,
Же по Америці
Пінязі згартают.

А у Америці
Треба тяжко робиц,
На сто десять сяги
Під земличком ходиц.

А як я не буду
Під земличком ходиц,
Буде моя жена
Гола, боса ходиц.

А як собі зачну
Під земльом ходити,
Буде моя жена
Топанки носити.

В топанкох ходити,
Красні облікати,
А ку тому може
І фраїра мати.

Тримай, мила, тримай,
Та я ти не сперам,
Бо я ся до тебе,
До краю не зберам.