Выберайся, сыну, в счесливу годину,
По гарду дівчыну, по добру газдыню.

До миленькой блато, я нич не дбам на то,
Переложу дручкы, прейду помалючкы.

Засвіт, мила, свічку, най перейду річку,
Засвіт, мила, зо дві, най перейду к тобі.

Отвор, мила, отвор, бом ту давно не был,
Бо я твои двери, отверяти забыл.

Отвор-же мні, мила, малюваны врата,
Жебы-м сой не зломил перечко зо злата.

Бо як бы-м сой зломил єдну галузочку,
То бы-с уж не была мойом фраєречком.

Ищы-м ся не думал в том рочку женити,
Мусіла-с мні, мила, штоси поробити.