Як я отталь пойду, комуси жаль буде,
Заплаче сой за мном не скоро му буде.

Яничку сердечко, где-с поділ перечко?
Ишол я през воду, впало мні до споду!

Доставай-доставай правом ручком до дна,
То ты го достанеш, кед го будеш годна.

Дівчатко квіточок, где-с діла віночок?
Ходилам ся мыти, впал мні на ярочок!

А тепер я мушу во вік банувати,
Што я го не знала ліпше шанувати.

Била-с мня, мамичко, опаленым кийом,
Жебы-м не смотрила за войтовым сыном.

Хоц-быс мня, мамичко, в день и в ночы била,
Та я и так буду шугая любила.