Не сію, не орю – само жито родить,
Не сію, не орю – само жито родить,
Таку маю фраїрку, ружа біла, лелія,
Сама за мнов ходить!

Мамко моя, мамко моя, скоро ся оженю!
Мамко моя, мамко моя, скоро ся оженю!
Таку маю фраїрку, ружа біла, лелія,
Що стане в кишеню.

Сумна гора без явора, явір – без калини.
Сумна гора без явора, явір – без калини.
Ой, так сумно шугайови, ружа біла, лелія,
Без своєй дівчини.

Попід гору високую дівча воду несло,
Попід гору високую дівча воду несло,
Золотії коновочки, ружа біла, лелія,
Срібне коромесло.

Скоком, коню, скоком, скоком горі тим потоком,
Скоком, коню, скоком, скоком горі тим потоком,
Коби дівчину видіти, ружа біла, лелія,
Хоч би одним оком!

Гарні очі, гарні очі, але не в кажного,
Гарні очі, гарні очі, але не в кажного,
Лем у того одного, ружа біла, лелія,
У фраїра мого!