З понеділка на вторек,
Пришов до нас пахолек;
Пришов до нас,
Червена ружа,
Дробна фіалка,
Пахолек.

Пахолечек молодий,
Глядаш собі господи,
Глядаш собі,
Червена ружа, дробна фіалка.
Господи.

Нашов собі господу,
Качмаречку молоду;
Нашов собі,
Червена ружа,
Дробна фіалка,
Молоду.

Качмаречце-Марина,
Налій же мі збан вина;
Налій же мі,
Червена ружа,
Дробна фіалка,
Збан вина!

Як же я ти наляц мам?
Я убога, а ти пан,
Я убога,
Червена ружа,
Дробна фіалка,
А ти пан.