А в зеленім гаю пасла Ганця пави,
Пришли ку ній троє гусарйове:
Под, Ганичко, з нами!

– Не піду я з вами, де подію пави?
– Вижен пави до зеленой трави,
А сама под з нами.

Не піду я з вами: што буду робила?
Будеш ти нам, шувна Ганусенько,
Вино доносила.

Не буду я з вами засідала, засідала,
Бо би-м собі на новім кабаті
Фалди поламала.

Але я си сяду на довгу солому,
Та я собі на своїм кабаті
Фалдів не поломлю.

Поламалися мі на кабаті фалди,
Любив мене шувний Івасенько,
Але не доправди.