Піду я там, піду,
Де ся вода креше,
Дадут мі дівчатко,
Што ся радо чеше.

Піду я там, піду,
Де ся вода сіє,
Дадут мі дівчатко,
Што ся радо сміє.

Фраїрку шумну мам,
Кошелю брудну мам,
Хто ж мі єй випере,
Як не мам матери?

Сам си єй виперу
В зимі на морозі,
Сам си єй викачам,
В стайні на порозі.

Зелене, зелене,
Коло зеленого,
Який отец пияк,
Такий і син його.

Боженьку, боженьку,
Дай мі добру женку,
Жеби мя водила,
Од шинку до шинку.

Жеби мя водила,
А сама не пила,
Така би то така
Добра жінка била!