Жало дівча, жало траву, цін да-ра-ра бум!
Недалеко Темешвару, цін да-ра-ра бум!
Як нажало, в’язало, на шугайка кричало:
Цін да-ра-ра, цін да-ра-ра, цін да-ра-ра бум!

– Шугай, шугай з тамтой страни, цін да-ра-ра бум!
Подь мі зняти зайду трави, цін да-ра-ра бум!
– Няй ті знімать нянько, мати, не хцели тя за ня дати!
Цін да-ра-ра, цін да-ра-ра, цін да-ра-ра бум!

Іші тя лем колисали, цін да-ра-ра бум!
Уж тя за ня шлюбовали, цін да-ра-ра бум!
Іші лем єсь гуски пасла, уж єсь в моїм серці росла,
Цін да-ра-ра, цін да-ра-ра, цін да-ра-ра бум!