За нашов стодолов
Місячок, як коло,
Де ся не оберну, (2)
Всюди ми весело.

На нашому ставку
Купалася качка,
Мене хлопці люблять, (2)
Бо я єдиначка.

У нашому садку
Розвилася дичка,
Мене хлопці люблять, (2)
Бо я невеличка.

Ой мамичко, мамцю,
Лем м’я одну мати,
То си подумайте, (2)
За кого м’я дати.

Не дайте м’я за двох,
А лем за одного,
Ой за тракториста, (2)
Коби за шумного.

Здаме ми ся, здаме,
Обидвоє здаме,
Звечора до ранку (2)
Ми ся цілюваме.