Там на горі черешенька, а під гором п’ять,
Моя мила сама дома, хлопці при ній спять.

Вийшла мила до маштальні, ей Боже, Боже,
Конюсі ся поленкали, ей што же, што же.

Конюсі ся поленкали, ей Боже, Боже,
Мою милу покопали, ей тоже, тоже.

Моя мила лежить хора, ей Боже, Боже,
Тре єй послаць по дохтора, ей што же, што же.

По дохтора і по бабу, ей Боже, Боже,
Жеби дала яку раду, ей тоже, тоже.

Баба пришла, ради дала, ей Боже, Боже,
Жеби з хлопом не легала, ей тоже, тоже.

– Іди, бабо, іди з очей, ей Боже, Боже,
Я не спала з хлопом вночі, ей што же, што же.

Ані вночі, ані додня, ей Боже, Боже,
Лем кустєчку до полудня, ей тоже, тоже.