Розстелився, розстелився горошок по полю,
Оженився, оженився старий з молодою.

Пішов старий, пішов старий до поля орати,
А я собі, молоденька, з хлопцями гуляти.

Пришов старий, пришов старий з поля из ораня,
А я собі молоденька з хлопцями з гуляня.

Пришла-м домів, пришла-м домів, на порозі стала,
Не бий же мя, мій мужичку, што я трошки п’яна.

Сіла за стіл, сіла за стіл, почала стукати,
Же може єй буде даку старий жалувати.

Пішов старий, пішов старий од хати до хати,
А пішов він молоденькій лікарства глядати.

Пораїли, пораїли дубового сала,
А як він єй висмарував, аж скіра одстала.