Откаль соненько сходило,
Там дівча яблінь садило.
Посадило ой глубочко,
Росній, яблінько, височко,
В самім вершечку широчко.
Врод мі яблочко лебо дві,
Єдно милому, друге мі.
Бо ми мі дари післати,
Кому ся маю дістати.
Дістала би-м ся старому,
Немило серцю мойому.
Дістала би-м ся младому,
Юж мило серцю мойому.
Як старий легне на ложе,
Як згниле дровно положив.
Як младий легне на ложе,
Як з пави перко положив.
Як старий дихне на личко,
Так, як загнила губиско.
Як младий дихне на личко,
Яко пахняче зілечко.