На зеленой убочы,
Дівча леник мочыт,
Шугай ся му призерат,
Ци ма чорны очы.

Жебы такы оченька,
В крамі продавали,
Та бы собі дівчата,
Хлопцям купували.

А и я бы-м купила,
Свому фраєрови,
Жебы ся му чорніли,
Яко гавранови.

Ищы бы-м му купила,
Цижмы з острогами,
Жебы собі почеркав,
Меже паробками.

Ищы бы-м му купила,
Перко з розмарии,
Жебы я го познала,
В цілой компании.

Ищы бы-м му купила,
Перстеник на палец,
Жебы ся му блискотав,
Як пойде на танец.

Ищы бы-м му купила,
Єдвабну хусточку,
Жебы собі памятал,
Же мал фраєрочку.