На зеленій пасіці
Розмарий зелений,
А хто не зна, што біда,
То най ся оженит.

Там пониже селечка
Дівки ся купают,
На зелени вербинки
Фартушки вішают.

А тоти фартушки
3 білими краями,
А тоти дівчата
З чорними очами.

На зеленій убочи
Дівча леник мочит,
Шугай ся му припатрят,
Чи ма чорни очи.

Кеби таки очата
В крамі продавали,
То би їх дівчата
Хлопцям купували.

А і я би купила
Свому фраїрови,
Жеби ся му чорніли,
Яко гавранови.

Ищи би-м му купила
Перстеник на палец,
Жеби ся му миготав,
Як піде на танец.

Ищи би-м му купила
Скірні з острогами,
Жеби собі поцвенкав,
Горе Кошицями.

Ищи би-м му купила
Гадвабну хустечку,
Жеби люде познали,
Же ма фреїречку.

Ищи би-м му вивила
Піречко зелене,
Жеби люде познали,
Же то єст од мене.