Добре тому коса косить, кому мила їсти носить,
І моя би так косила, кіби мила приносила.
Добре тому легіньови, што ся женить при вутцьови,
А ци тому якось буде, як го женять чужі люди, гей!

Добре тому коса косить, кому мила їсти носить,
І моя би так косила, кіби мила приносила!

Гей добре ся добре маю, що на горі хижу маю,
Хижу маю на горбочку, серед села - фраїрочку,
Хижу маю смерекову, а у селі - чорноброву,
Кучерики на нюй скачуть, мої очка за ньов плачуть гей!

Добре тому коса косить, кому мила їсти носить,
І моя би так косила, кіби мила приносила!
Добре тому легіньови, што ся женить при вутцьови,
А ци тому якось буде, як го женять чужі люди.