1. Вшитко ся в поли зазеленіло, моя пшеничка не сходит.
Мавам єдного наймиленьшого, але він до мя не ходит. (2)

2. Не лем пшеничка, не лем пшеничка, але і жито не сходит,
Под ту, мій милий, мій наймиленьший, бо мене серце барз болит. (2)

3. Ой ти, мій мивий, мій наймиленьший, чого ти до мене не идеш?
Ци мя не любиш, ци мя юж не хцеш, ци може іншу любуєш? (2)

4. Лем сой не думай, лем сой не мислий, же тя коли та забуду,
Буду тя ждава і визерава, докля щаслива не буду. (2)

5. Буду тя ждава і визерава, бо я такого не найду,
Чорноокого, кучерявого, хоц і півсела перейду. (2)

6. Єден парадний, другий барз вадний, а третій чужий, незнаний,
Не є ту, не є в цівім Розділлю, до кого словце прогвариц. (2)