Ідемо, ідемо,
Дороги не знаємо,
Добрі люди знають,
То нам повідають.

Ідемо, ідемо
І піском, і ледом,
А чи достанемо
Палянички з медом?

Ідемо, ідемо,
Де дві свічки горять,
Будемо стукати,
А чи нам отворят?

Купила мі мама корову
Та й на мою бідну голову.
Казала мі пасти, доїти,
А я рада з хлопцем ходити.

Казала мі січку різати,
Корову гребінцем чесати,
А корова стара, худорлява,
Бодай она здохла до рана.

А я тоту стару корову,
Зажену її кийом до дому,
Поставлю до стайні стояти,
Сама піду з хлопцем гуляти.

Сидит кітка на полиці
В тій червоній рукавици,
Вистромила оченяти
На ті наши молодята.

З далека ж ми приїхали,
Коні нам ся захлистали.
Треба би нам рушничка
Пообтирати коничка.