Пришли зме ту щедриці, чи готові калачи.
Щедрий вечер, добрий вечер.

Христе, Христе, Марія
На престолі стояла, три крижики тримала.
Щедрий вечер, добрий вечер.

А ви, люде, знайте, Бога споминайте.
Щедрий вечер, добрий вечер.

Наше право невеличке, лем коритя вівса.
Щедрий вечер, добрий вечер.

Кедь не мате колача, уведеме вам рогача,
Щедрий вечер, добрий вечер.

Зорвеме му правий ріг, будем на нім трубити,
Пана Бога просити,
Щедрий вечер, добрий вечер.

Дайте же нам, дайте, кедь нам мате дати,
Бо ми ту не маме, коли довго ждати.
Дайте, дайте, дайте, дайте,
Щедрий вечер, добрий вечер.