1. Бучку, при поточку, чом ся не розвиваш? (2)
Молода дзєвчино, чом си не заспіваш? (2)

2. Заспівала бим сой, лем не знаю яку, (2)
Поди мя навчати, ти, дошнянский дяку. (2)

3. Заспівала бим си, миленький, о тобі, (2)
Але барз парадний позераш по собі. (2)

4. Позерам, позерам, але не по собі, (2)
Заглядів єм тебе, то иду ко тобі. (2)

5. Буду тя просити, і твою мамичку, (2)
Жеби тя мі дали за файну женичку. (2)

6. Бучку, при поточку, розвийся, розвийся, (2)
Молода дзєвчино, видайся, видайся! (2)