А пониже Андрівки
Дівки ся купають,
На зелені вербинки
Фартушки вішають.
Ей, йа тоті фартушки
З білими краями,
Бо андрівські дівчата
З чорними очами.
Кеби тоті очечка
В крамі продавали,
То і я би купила
Свому фраїрові.
І ще би-м му купила
Перстеник на палець,
Жеби ся му миготав,
Як піде на танець.
І ще би-м му купила
Піщалку кленову,
Жеби собі запискал,
Як піде додому.
І ще би-м му купила
Скірні з острожками,
Жеби собі черкотав
Горі Кошицями.
І ще би-м му купила
Гадвабну хустечку,
Жеби собі пам’ятав,
Же ма фраїречку.