Як я ишов без тот хотар,
Возик ся мі розчеркотав,
Лучка-лучина, травка зелена,
Возик ся мі розчеркотав.

Зберай, мила, колісечка,
Будеш моя фраїречка,
Лучка-лучина, травка зелена,
Будеш моя фраїречка.

Як я ишов з любуваня,
Впав мі коник до Дуная,
Лучка-лучина, травка зелена,
Впав мі коник до Дуная.

Дай го, боже, верх Дуная,
Заречуся любуваня,
Лучка-лучина, травка зелена,
Заречуся любуваня.

Як ишов я од Ганички,
Впав мі коник до водички,
Лучка-лучина, травка зелена,
Впав мі коник до водички.

Дай го, боже, верх водички,
Заречуся той Ганички,
Лучка-лучина, травка зелена,
Заречуся той Ганички.

Як я ся ти не подабам,
Одпровад мя, одкаль-с мя взяв,
Лучка-лучина, травка зелена,
Одпровад мя, одкаль-с мя взяв.

Одпровад мя в такій вері,
Яку-с мя взяв од матері,
Лучка-лучина, травка зелена,
Яку-с мя взяв од матері.

Одпровад мя в тім віночку,
В якім-с мя взяв за жіночку,
Лучка-лучина, травка зелена,
В якім-с мя взяв за жіночку.

А хоц би я світ преврацив,
Таку би-м тя не наврацив,
Лучка-лучина, травка зелена,
Таку би-м тя не наврацив.

Хоц би-м нашов шиту піпку,
Та не зроблю з баби дівку,
Лучка-лучина, травка зелена,
Та не зроблю з баби дівку.

Шита піпка може буде,
З баби дівка юж не буде,
Лучка-лучина, травка зелена,
З баби дівка юж не буде.