Ой до Львова дороженька, ой до Львова, до Львова,
Засаджена виноградом, засаджена довкола.

Ишла за ньом Ганусенька і там она заснула;
Ишов за ньом єй нянюсьо, але она не чула.

Вирубав би-м тот виноград, вирубав би-м,– не вмію,
Зобудив би-м свою доню, зобудив би-м,– не смію,

Ой до Львова дороженька, ой до Львова, до Львова,
Засаджена виноградом, засаджена довкола.

Ишла за ньом Ганусенька і там она заснула;
Ишла за ньом єй мамуся, але она не чула.

Рубала би-м тот виноград, рубала би-м,– не вмію,
Збудила би-м свою доню, збудила би-м,– не смію.

Ой до Львова дороженька, ой до Львова, до Львова,
Засаджена виноградом, засаджена довкола.

Ишла за ньом Ганусенька і там она заснула,
Ишов за ньом єй власний брат, але она не чула.

Вирубав би-м тот виноград, вирубав би-м,– не вмію,
Зобудив би-м свою сестру, зобудив би-м,– не смію.

Ой до Львова дороженька, ой до Львова, до Львова,
Засаджена виноградом, засаджена довкола.

Ишла за ньом Ганусенька і там она заснула,
Ишла за ньом єй сестричка, але она не чула.

Вирубала би-м виноград, вирубала,– не вмію,
Збудила би-м свою сестру, збудила би-м,– не смію.

Ой до Львова дороженька, ой до Львова, до Львова,
Засаджена виноградом, засаджена довкола.

Ишла за ньом Ганусенька і там она заснула,
Ишов за ньом єй Василько, але она не чула.

Я вирубам тот виноград, я вирубам, бо вмію,
Я зобуджу свою Ганцю, я зобуджу, бо смію!

Вставай Ганцьо, вставай, мила, бо юж на тя волают,
Вся родина і дружина – вшитки на тя чекают.