Мамцьо-мамцьо, мамичко моя,
Купте вы мні периночку,
Най ся выдам того рочку,
Мамцьо-мамцьо, мамичко моя.

Дівусь-дівусь, дівочко моя,
А ищы ты не доросла,
Жебы ты уж замуж пошла,
Дівусь-дівусь, дівочко моя.

Мамусь-мамцьо, мамичко моя,
Лем вы на то нич не дбайте,
А мене уж замуж дайте,
Мамусь-мамусь, мамичко моя.

Дівусь-дівко, дівочко моя,
Треба скринки и до скринкы,
Заголовков и перинку,
Дівусь-дівко, дівочко моя.

Мамо-мамцьо, мамичко моя,
Ліпше з мужом на камени,
А як з вами на постели,
Мамо-мамцьо, мамичко моя.

Дівусь-дівко, дівочко моя,
Больше будеш киом бита,
Як при мужи хліба сыта,
Дівусь-дівко, дівочко моя.

Мамусь-мамцьо, мамичко моя,
Нич вы нато – нич не гварте,
Лем вы мене замуж дайте,
Мамусь-мамусь, мамичко моя.

Мамо-мамцьо, мамичко моя,
Ліпше з мужом под тернином,
Як з мамичком под перином,
Мамо-мамцьо, мамичко моя.