Янчик-Янчик не буд блазен
Не пропивай вшытко разом
Бо як проп'єш не будеш мац |
Прийде Зима будеш жебрац |(2)

Боже-Боже што мам робиц
Ци ся жениц ци так ходиц
Инши хлопци поженены |
А я ходжу як шалений |(2)

Боже-Боже який то жаль
Мене любив а иншу взяв
Мене любив зо два рочкы |
Иншой буде стискав ручкы |(2)

Боже-Боже што ся водит
Же Мій Милий не приходит
Ци Го Вода затопила |
Ци Го инша полюбила |(2)

Боже-Боже нич не маме
Лем на себе позераме
Ліпшы наши два позоры |
Як дачиї штири Волы |(2)

Штири Волы тілько значат
Што тот Ґрейцар што ся тачат
Ґрейцар впаде не найде ся |
Наша Любов не мине ся |(2)

Боже-Боже што ся водит
До Комори Вода входит
А што то за Водичка |
Чорны Очка Біле Личко |(2)