Добре в Гамериці, як іде робота.
Краснє ся прибереш,
Краснє ся прибереш, як прийде субота.

Краснє ся прибереш, краснє ся умиєш,
Бо ти ся не боїш, же ти в полі гниєш.
Же ти в полі гниєш, же вода забере,
Іще ти до хаузу привезут фермери.

Фермери привезут, гроши не питают,
Так нам повідают в Гамерици - краю.
Так нам повідают в Гамерици - краю,
Так нам повідают в Гамерицкім краю.

Юж на п'ятий рочок як я в Гамерици,
Так тяжко працюю в тій новій фабрици.
Жено моя люба, жено моя добра,
Як ти там газдуєш з тими дітьми дома?

Газдую, газдую, юж ліпше не можу,
Тебе з Гамерики дочекаться не можу.
Дочекайсь ся ти, дочекайся, моя жено, дочекайся,
Будеш ся ня питать: дуже пяньонзи маш?

Не мам я пяньонзей, бо я лем слуховав,
А што я заслужил і то-то прогуляв.